आपल्या सर्वांच्या आवडीच्या विषयात (म्हणजेच मराठीत) जर का "म्हणीं" चा समावेश नसला तर काय होईल हे आपल्याला माहितच आहे. पण जर खालील प्रकारच्या "आधुनिक म्हणी" आल्या तर काय बहार येईल याची कल्पनाच न केलेली बरी ! कारण या म्हणी थोड्य़ाफ़ार फ़रकाने सर्वांच्या जीवनात येत असतात.
१. आधीच MTNL आणि त्यात पावसाळा
२. आपला तो स्वातंत्र्यसैनिक आणि दुसऱ्याचा तो दहशतवादी
३. सरकारी काम आणि दहा वर्ष थांब
४. ’काय द्या’ नी बोला
५. भक्त जातो देवापाशी, लक्ष त्याचे चपलांपाशी
६. घरोघरी फ़ैशनेबल पोरी
७. मरावे परि व्हिडिऒकैसेटरूपी उरावे
८. रिकामा मंत्री उदघाटन करी
९. गरज सरो अन मतदार मरो
१०. कशात काय अन खड्ड्यात पाय
११. इन्कम थोडे अन पोरे फ़ार
१२. उचलली लिपस्टिक अन लावली ऒठांना
१३. तुका म्हणे भोग सरे, पास होता रद्दड पोरे
१४. कॉल आला होता पण नोकरी लागली नाही
१५. चार तास अटकेचे अन चार तास सुटकेचे
१६. पाहुणा गेला अन चहा केला
१७. म्हशी मेल्या अन चारा संपला अन हाती घोटाळा आला
१८. बसेन तर खुर्चीवर
१९. मंत्र्याचे बिऱ्हाड दौऱ्यावर
२०. आपलेच गोलंदाज आणि आपलेच फ़लंदाज
२१. गाढवापुढे वाचली गीता अन वाचणाराच गाढव होता.
- फ़ुलपाखरू
- आपल्या सर्वांच्या मनात एक फ़ुलपाखरू दडलेले असते आणि ते नेहमी मुक्त असे उडू पाहत असते. त्याला स्वातंत्र्य हवे असते. त्याचप्रमाणे आपल्या मनाला विविध रंग असतात......फ़ुलपाखराप्रमाणे. परंतु काहींना संधी न मिळाल्याने, मनाजोगती नोकरी, व्यवसाय किंवा तत्सम गोष्टी करायला न मिळाल्याने नैराश्य येते. या नैराश्याला काहीच अर्थ नाही. कारण तसे केल्याने आपल्याला त्या संधी पुन्हा गवसणार नसतात. परंतु सर्वांनी जर फ़ुलपाखराचा आदर्श घेतला तर मला असे वाटत नाही की कोणाच्या जीवनात चिंता, काळजी या गोष्टी येतील. कारण फ़ुलपाखरू बनण्यासाठी त्यालादेखील कष्ट घ्यावे लागतात, मग आपण का करू शकत नाही कष्ट! फ़क्त आपल्या मनाची तशी तयारी मात्र हवी हं! हा ब्लॉग एका विशिष्ट चाकोरीतील नाही. तर फ़ुलपाखरू जसे एकाच फ़ुलावर कधीच बसत नाही त्याप्रमाणे विविध विषयांना हाताशी धरून तयार केलेला आहे. आपल्या सभोवती काय काय घडत आहे याचा घेतलेला आढावा म्हणजेच "मनातील फ़ुलपाखरासंगे....."होय.
बागेतील फ़ुलपाखरांची संख्या
No comments:
Post a Comment